chapter

077

وَٱلْمُرْسَلَـٰتِ عُرْفًا ﴿ ١ ﴾

ތަރުޖަމާ

ވިދިވިދިގެން އަންނަ ވައިރޯޅިތަކާއި، (1)

ތަފްސީރު

މިއީ މާތް ﷲ ވަޙީކުރައްވާފައިވާ ހުވައި ތަކެކެވެ. ﴿وَٱلْمُرْسَلَـٰتِ عُرْفًا﴾ ވިދިވިދިގެން އެއް ރޯޅީގެ ފަހަތުން އަނެއް ރޯޅި އަންނަ ވައިރޯޅިތައް ގަންދެއްވަމެވެ. މިއީ އެއިން މާތް ﷲ، ނުކިޔަމަންތެރިކަމުގައި ޙައްދުފަހަނައަޅައި ދިޔަ ޖައްބާރު މީހުން ނެތިކުރެއްވި ޢަޛާބުގެ ވައިރޯޅިއެވެ. ގަދަފަދަ ފިނިވަޔަކުން ޢާދު ބާގައިގެ މީހުން ނެތިކުރެއްވި ފަދައިންނެވެ.

ނޯޓް

وَيْلٌ يَوْمَئِذٍ لِّلْمُكَذِّبِينَ ﴿ ٢٤ ﴾

ތަރުޖަމާ

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ. (24)

ތަފްސީރު

ޖައްބާރުވަންތަ ރަސްކަލާނގެ ކުޅަދުންވަންތަކަން ދޮގުކުރާ ފާފަވެރި ކާފިރުންނަށް ނެތިދިއުމާއި ސުންނާފަތިކަން ހުށްޓެވެ. އަންނަނިވި ޙަދީޘުގައި އައިސްފައިވާ ފަދައިންނެވެ. عَنْ بُسْرِ بْنِ جِحَاشٍ الْقُرَشِيِّ قَالَ: بَزَقَ النَّبِيُّ صَلَّى اللَّهُ عَلَيْهِ وَسَلَّمَ فِي كَفِّهِ، ثُمَّ وَضَعَ أُصْبُعَهُ السَّبَّابَةَ، وَقَالَ: "يَقُولُ اللَّهُ عَزَّ وَجَلَّ: أَنَّى تُعْجِزُنِي ابْنَ آدَمَ وَقَدْ خَلَقْتُكَ مِنْ مِثْلِ هَذِهِ؟ فَإِذَا بَلَغَتْ نَفْسُكَ هَذِهِ - وَأَشَارَ إِلَى حَلْقِهِ - قُلْتَ: أَتَصَدَّقُ، وَأَنَّى أَوَانُ الصَّدَقَةِ؟". (سنن ابن ماجه، ج: 4، ص: 273 | مسند أحمد، ج: 29، ص: 385) (ބުސްރު ބްނު ޖިޙާޝް އަލްޤުރަޝީގެ އަރިހުން ރިވާވެގެން ވެއެވެ. އެކަލޭގެފާނު ވިދާޅުވިއެވެ. އެއްދުވަހަކު ރަސޫލުﷲ ﷺ އެކަލޭގެފާނުގެ އަތްތިލަފުޅަށް ކުޅުފޮދުޖެއްސެވިއެވެ. ދެން އެކަލޭގެފާނުގެ ޝަހާދަތް އިނގިލިފުޅު (އަތްތިލަފުޅަށް) ލެއްވެވުމަށްފހު ޙަދީޘުކުރެއްވިއެވެ. ގަދަ ކީރިތިވަންތަ ﷲ ވަޙީކުރެއްވިއެވެ. އާދަމުގެ ދަރިޔާއެވެ! މިފަދަ ފެންފޮދަކުން ތިމަންރަސްކަލާނގެ ތިބާ ހައްދަވާފައިވާ އިރު ތިބާއަށް ތިމަންރަސްކަލާނގެ ނުކުޅައްދައިލެވޭނީ ކިހިނަކުން ހެއްޔެވެ؟ އަދި ތިބާގެ ފުރާނަ މިހާ ހިސާބަށް އަންނަ ހިނދު (ދެން އެކަލޭގެފާނު ކަރުފުޅާ ދިމާއަށް އިޝާރާތްކުރެއްވިއެވެ.) ތިބާ ބުނާނެއެވެ. އަހުރެން ޞަދަޤާތްކުރާނަމެވެ. ޞަދަޤާތުގެ ވަގުތު ވީ ކޮންތާކު ހެއްޔެވެ؟) (ސުނަނު އިބްނު މާޖާ، ޙަދީޘު: 2707 | މުސްނަދު އަޙްމަދު، ޙަދީޘު؛ 17842)

ނޯޓް