ތަފްސީރު
އަދި النفس اللّوّامة ގަންދެއްވައި ހުވައި ވަޙީކުރައްވަމެވެ. އެއީ، އެ ނަފުސުގެ ވެރިމީހާ މާތް ﷲގެ ޙައްޤާމެދު ފަރުވާކުޑަކުރުމުން، އޭގެ ވެރިމީހާއާމެދު ނުރުހި އެކަމުން ދުރުވެގަތުމަށް ނަސޭހަތްތެރިވާ، އަދި އެނަފުސުގެ ކިޔަމަންތެރިކަމާ އިޙްސާންތެރިކަން ބޮޑުކަމާ އެކުވެސް އެ ނަފުސުގެ ވެރިރަސްކަލާނގެ ޙަޟްރަތުން ފާފަފުއްސެވުމަށް އެދޭ މުއުމިން ނަފުސެވެ. މާތް ﷲ ޤިޔާމަތް ދުވަސް ގަންދެއްވީ އެދުވަހުގެ މަތިވެރިކަމާ، ބިރުވެރިކަން ބޮޑުކަމުންނެވެ. އަދި النفس اللّوّامة ގަންދެއްވީ އެނަފުސު މާތް ކުރެއްވުމުގެ ގޮތުންނެވެ. އެނަފުސަކީ މާތް ﷲ ކޯފާވެވޮޑިގަންނަވާ ކަންކަމުން އޭގެ ވެރިމީހާ ދުރުކުރާ ތަޤްވާވެރި ޠާހިރު ނަފުސެވެ. ހުވައިގެ ޖަވާބު ވަނީ އުނިކުރެވިފައެވެ. އެ ޖަވާބު ދެން އަންނަ އަޔާތުން ދޭހަވެއެވެ. ޖަވާބަކަށް ވާނީ: ހަމަކަށަވަރުން ތިޔަބައިމީހުން އަލުން ދިރުއްވާނެއެވެ. އަދި ތިޔަބައިމީހުންގެ ޙިސާބުބައްލަވާނެއެވެ.