إِن نَّشَأْ نُنَزِّلْ عَلَيْهِم مِّنَ ٱلسَّمَآءِ ءَايَةً فَظَلَّتْ أَعْنَـٰقُهُمْ لَهَا خَـٰضِعِينَ ﴿٤﴾ ﴿ ٤ ﴾
ތަފްސީރު
ތިމަންރަސްކަލާނގެ އިރާދަކުރެއްވިނަމަ އީމާންވުމަށް އެބައިމީހުންނަށް މަޖުބޫރުކުރައްވައިފީމުހެވެ. އަދި މަލާއިކަތުން ރަސޫލުންގެ ގޮތުގައި ފޮނުއްވުން ފަދަ ނުވަތަ ޔަހޫދީންނާމެދު ތިމަންރަސްކަލާނގެ ކަން ކުރެއްވި ގޮތަށް، އެބައިމީހުންގެ ބޯ މައްޗަށް ފަރުބަދައެއް އުފުއްލެވުންފަދަ، އެބައިމީހުން އީމާންވެ، ކިޔަމަންވުމަށް މަޖުބޫރުކުރާ ދަލީލުތަކެއް ބާވައިލެއްވީމުހެވެ. އޭރުން އެބައިމީހުން މަޖްބޫރުވެގެން އިސްލާމްވީހެވެ. އެހެންނަމަވެސް، އެބައިމީހުން އަބާއްޖަވެރިވާނެކަން ތިމަންރަސްކަލާނގެ ކުރިއްސުރެ ދެނެވޮޑިގެންވަމެވެ. އެހެންކަމުން، އެބައިމީހުންގެ ކަންތަކުގައި ވަރުބަލިފުޅުނުވެ ކަލޭގެފާނު ހަމަޖެހިވަޑައިގަންނަވާށެވެ.