ٱلَّذِى لَهُۥ مُلْكُ ٱلسَّمَـٰوَٰتِ وَٱلْأَرْضِ وَلَمْ يَتَّخِذْ وَلَدًا وَلَمْ يَكُن لَّهُۥ شَرِيكٌ فِى ٱلْمُلْكِ وَخَلَقَ كُلَّ شَىْءٍ فَقَدَّرَهُۥ تَقْدِيرًا ﴿٢﴾ ﴿ ٢ ﴾
ތަރުޖަމާ
އެކަލާނގެއީ، އުޑުތަކާއި، ބިމުގެ ވެރިކަން އެކަލާނގެއަށް މިލްކުވެގެންވާ ރަސްކަލާނގެއެވެ. އަދި އެކަލާނގެ ދަރިކަލަކު ނުހިއްޕަވައެވެ. އަދި ވެރިކަމުގައި އެކަލާނގެއަށް އެއްވެސް ބައިވެރިޔަކު ނުވެއެވެ. އަދި އެކަލާނގެ ކޮންމެ އެއްޗެއް ހެއްދެވިއެވެ. ފަހެ، އެކަލާނގެ އެތަކެތި ވަރަށް ފުރިހަމަޔަށް މިންވަރު ކުރެއްވިއެވެ. (2)
ތަފްސީރު
ކީރިތި ޤުރްއާން ބާވައިލެއްވި އެ މަތިވެރި ރަސްކަލާނގެއީ އުޑުތަކާއި ބިމުގައި ވާހާ ތަކެއްޗެއްގެ ވެރިރަސްކަލާނގެއެވެ. ހުރިހާ ތަކެއްޗަކީ އެކަލާނގެއަށް މިލްކުވެގެންވާ އެކަލާނގެ މަޚްލޫޤުންނެވެ. އެކަލާނގެއަށް އަނބިކަނބަލަކު އަދި ދަރިކަލަކު ވުމުން އެކަލާނގެ ހުސްޠާހިރުވަންތަވެ ވޮޑިގެން ވެއެވެ. އެކަލާނގެއަށް ދަރިކަލަކު ނިސްބަތްކުރި ޔަހޫދީންނާއި ނަޞާރާއިން ބުނި ފަދައިންނެއް ނޫނެވެ. އަދި ބުދަށް އަޅުކަންކުރާ މީހުން ބުނި ފަދައިން އެކަލާނގެއާއެކު އެހެން ކަލާނގެއެއް ނުވެއެވެ. އެކަލާނގެއީ ނުހަނު މޮޅު ޙިކްމަތާއި، ރޭއްވެވުމާއެކު، އެކަލާނގެ ކުޅަދުންވަންތަކަމުން، ހުރިހާ ތަކެއްޗެއް އުފެއްދެވި ރަސްކަލާނގެއެވެ. ދެން ބުދުތަކަށާއި، ހިލަތަކަށް އަޅުކަންކުރުމުގައި މުޝްރިކުންގެ މޮޔަކަމާއި މަގުފުރެދުން ބަޔާންކުރައްވަމުން މާތް ﷲ ވަޙީކުރައްވަނީ