chapter

100

وَٱلْعَـٰدِيَـٰتِ ضَبْحًا ﴿ ١ ﴾

ތަރުޖަމާ

ނޭވާގެ އަޑު އިއްވަމުން، ހަރުކޮށް ދުވާ އަސްތައް ގަންދެއްވަމެވެ. (1)

ތަފްސީރު

العاديات އަކީ العادية ގެ ޖަމްޢެވެ. އެއީ ބާރަށް ދުވާ އަހެވެ. الضبح އަކީ މުބާރާތެއްގައި ދުވާއިރު ނުވަތަ ޢަދުއްވުންނާ ދިމާއަށް ދާއިރު އަސް ނޭވާލާ އަޑެވެ.

ނޯޓް

وَإِنَّهُۥ لِحُبِّ ٱلْخَيْرِ لَشَدِيدٌ ﴿ ٨ ﴾

ތަރުޖަމާ

އަދި ހަމަކަށަވަރުން، އެ އިންސާނާއީ، މުދަލަށް ލޯބިކުރުންގަދަ މީހެއްކަން ކަށަވަރެވެ. (8)

ތަފްސީރު

މިތަނުގައި ٱلْخَيْر ގެ މާނައަކީ މުދަލެވެ. މާނައީ އޭނާއަކީ މުދާ އެއްކުރުމަށް ލޯބިކުރާ، އެ ފުނިޖަހައި ޖަމާކުރުމަށް ދަހިވެތިކަން ބޮޑު މީހެކެވެ. އެކަލާނގެ ވަޙީކުރައްވާފައިވާ ފަދައިންނެވެ. ﴿وَتُحِبُّونَ ٱلْمَالَ حُبًّا جَمًّا﴾ (އަދި ތިޔަބައިމީހުން ގަދަވެގެންވާ ލޯތްބަކުން، މުދަލަށް ލޯބިކުރަމުއެވެ.) ނަމަވެސް އޭނާގެ ވެރިރަސްކަލާނގެއަށް ކިޔަމަންވެ، އަޅުކަންކުރަން ވުމުން ބަލިކަށިވެ، ބަރުހެލިވެ، ފަސްޖެހެއެވެ. عَنْ أَنَسِ بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَوْ كَانَ لِابْنِ آدَمَ وَادِيَانِ مِنْ ذَهَبٍ لَأَحَبَّ أَنْ يَكُونَ لَهُ ثَالِثٌ، وَلَا يَمْلَأُ فَاهُ إِلَّا التُّرَابُ، وَيَتُوبُ اللَّهُ عَلَى مَنْ تَابَ.“ (جامع الترمذي، كتاب الزهد عن رسول الله صلى الله عليه وسلم، باب مَا جَاءَ لَوْ كَانَ لاِبْنِ آدَمَ وَادِيَانِ مِنْ مَالٍ لاَبْتَغَى ثَالِثًا) (އަނަސު ބިން މާލިކް ގެ އަރިހުންރިވާވެގެން ވެއެވެ. އެކަލޭގެފާނު ވިދާޅުވިއެވެ. ރަސޫލުﷲ ﷺ ޙަދީޘުކުރެއްވިއެވެ. ”އާދަމުގެ ދަރިޔާއަށް ރަނުގެ ދެ ވާދީ ލިބިފައި ވިޔަސް އޭނާއަށް ތިންވަނަ ވާދީއެއް ލިބުމަށް އޭނާ އެދޭނެއެވެ. އަދި ވެލިން މެނުވީ އޭނާގެ އަނގަ ނުފުރޭނެއެވެ. އަދި ތައުބާވާ މީހެއްގެ ތައުބާ މާތް ﷲ ޤަބޫލުކުރައްވާނެއެވެ.“) (ޖާމިޢުއް ތިރްމިޛީ، ޙަދީޘު: 2337)

ނޯޓް